">

Sabtu, 20 Juni 2015

Razia Panyatruman Iwak Di Kabupaten Banjar Bocor

Sabahagian masyarakat di kabupaten banjar banyak nang marasa dirugikan akibat aksi panyatruman iwak nang dilakukan sajumlah warga di daerah ngini. Gasan ngitu masyarakat maharapakan adanya tindakan matan aparat panagak hukum di kabupatin banjar.

Mandapat laporan banyaknya aksi panyatruman iwak ngitu dinas parikanan wan kalautan kabupaten banjar manggandeng satpol pp,polisi,wan tni untuk malakuakan razia gasan manangkapi para palaku ngitu. Kapala satpol pp kabupaten banjar akhmadi mamadahakan,bahwa mulai minggu tadi  bubuhan tim gabungan  satpol pp, dinas parikanan wan kalautan, polisi wan tni mulai bagarak malakuakan razia  tarutama di tiga kacamatan nang dilaporkan banyak aksi panyatruman iwak, yakni di kacamatan martapura barat wan timur sarta kacamatan sungai tabuk.  

Aksi razia nang ngitu diparkirakan bocor ,sahingga pas bubuhan tim gabungan turunan  malakuakan razia kada manamuakan saikung urang pun para palaku. Padahal bubuhan tim gabungan turun malakuakan razia pas tangah malam , waktu nang biasa dijadikan para panyatruman iwak turun malakuakan aksinya . Dalam tazia ngitu tim gabungan manggunakan jukung manyusuri sungai martapuara wan masuk ka sungai sungai halus atawa handil handil, nangkaya di kawasan desa tajau landung wan  lok buntar  sarta kuliling benteng. 

Samantara ngitu Adri  salah saurang warga kacamatan sungai tabuk nang hobi ma unjun marasa banar bahwa aksi panyatruman iwak ma akibatakan iwak wan bibit iwak banyak nang matian, sahingga iwak ngalih banar diunjuni karna iwaknya banyak nang mulai manghilang atawa bisa punah. Gasan ngitu adri mandukung banar bubuhan nang katuju manyatru  ditangkapi polisi supaya kada maulah iwak wan bibitnya punah

0 komentar:

Google+ Followers