">

Rabu, 25 Maret 2015

HARAGA HAYAM RAS MURAH


Haraga hayam ras nang samakin bamurah dalam sabulanan ngini tarasa banar bagi bubuhan patarnak hayam. Sabab haraga hayamnya bamurah tapi haraga umpan wan upah maharagunya tatap haja, sahingga bubuhan patarnak kacil kacilan marasa karugian. Hal nangitu tadi dipadahakan mar'ie katua parkumpulan patarnak unggas mandiri kalimantan salatan wan rri samalam di martapura. Ujar sidin haraga hayam ras di wadah bubuhan patarnak hayam ras 15 ribu haja , mun diwadah panyalur atawa makelar wan pangecer kadada ruginya ,sabab bubuhannya kawa manjual wan manukar  sasuai haraga pasar ,supaya kawa kolehan untung. Sadangkan bubuhan patarnak hayam ras bagantung banar wan banyak kadanya modal nang harus dikaluarakan.  Mar'ie baharap pamarintah parupinsi kalimantan salatan mamparhatikan banar wan patarnak hayam ras nang kacil kacilan,diantaranya maulahakan  paraturan nang kawa malindungi bubuhannya supaya kada digilas bubuhan pangusaha patarnakan nang ganal


0 komentar:

Google+ Followers