">

Sabtu, 31 Januari 2015

MUSIM MAMBANJUR CALON KAPALA DAIRAH

Wayahini urang di Banua Kita Kalimantan Salatan pada rami sudah mamandirakan calon kapala dairah, nangkaya calon bupati,walikota wan calon gubnur.  Ada nang nang mamadahakan si A calon Kuat wan si B Calon Kuat jua.  Mun sabahagian urang wayahini musim mulai penjaringan Bakal Calon Kapala Dairah, maka ulun ganti haja istilahnya " Mambanjur Calon Kapala Dairah " . 

Kanapa jadi ulun padahakan Mambanjur Calon Kapala Dairah, karna mun manjaring kalo dipadahakan buah jaring, nah mun mambanjur ngini tapaksa baumpan supaya partai nang handak mausung mau mancalonakan gasan umpat pilkada. Umpannya ngitu bamacam - macam ada gondang, kalambuai, anak kodok, tapi nang jalas umpannya kada mau siur ragung, sabab mun ujar julak bahari, siur ragung ngitu gasan umpannya lalak. 

Mambanjur Calon kapala dairah nang pacangan umpat pada pilkada 2015 ngini pinanya  dicuaca musim panghujan ,tapi panas wan humap jua. Sabab ujar habar haja pang ,bahwa banyak nang pacangan maju manjadi calon, baik gasan pamilihan bupati,walikota maupun gubnur.  Nang jadi masalahnya Banjurnya kada banyak, nangitu nang maulah rami barabut umpan banjur.

Nah diharapakan masyarakat barataan mudahanai banjur kana wan calon kapala dairah nang pas ,sabab amun pas baarti kawan manjalanakan amanah baik baik ...

0 komentar:

Google+ Followers