Ahad tadi , dihari panambayan Puasa, pasar wadai gasan bulan ramadhan 1435 H di kota Banjarbaru di rasmiyakan olih walikota Banjarbaru Ruzaidin Noor. Pasar Di Kota Banjarbaru ngini adanya di Jalan Taman gembira Timur. Ada bamacam macam wadai nang urang jual gasan urang babuka puasa , ada wadai khas Banjar di antaranya wadai cincin, wajik, cucur, cingkaruk, kayu apu, sasunduk lawang, kakoleh, putri selat , kalalapon buntut, laksa, apam balambar , apam putih, dan pais sagu, amparan tatak wan nang lainnya. Pasar wadai ngini Rami banar didatangi bubuhan warga kota Banjarbaru nang handak marasai wadai tahunan khas banjar ngitu. Pasar Wadai di Banjabaru ngini bukanya bakamarian haja mulai pukul satangah ampat sore sampai ka urang handak babuka puasa atawa sabaluman magrib. Tapi wadai nang jual urang di pasar ngini kada sabarataan wadai khas banjar, sabab ada jua wadai nang lain, misalnya haja agar agar atawa jar urang laut puding.....
